పద్మశాలి పిట్లం పట్టణ అధ్యక్షుడిగా శ్రీనివాస్

పిట్లం పట్టణ పద్మశాలి సంఘం అధ్యక్షుడిగా శ్రీనివాస్ ఏకగ్రీవంగా ఎన్నికయ్యారు. పిట్లం మండల కేంద్రంలో ఆదివారం  ఆర్య సమాజ్ భవనంలో పద్మశాలి ఆరాధ్య దైవం  మార్కండేయ స్వామి చిత్ర పటం ముందు జ్యోతి వెలిగించి ప్రార్థన చేశారు. అనంతరం పిట్లం పట్టణ పద్మశాలి సంఘం అధ్యక్షునిగా పద్మశాలి సంఘ సభ్యులు చర్చించుకుని చుక్కల తీర్థం శ్రీనివాస్ ను ఏకగ్రీవంగా ఎన్నుకున్నారు. నూతనంగా ఎన్నికైన అధ్యక్షుడు మాట్లాడుతూ రానున్న రోజులలో సంఘానికి ఎలాంటి సమస్య వచ్చిన ముందుండి నడిపిస్తానని  సంఘ సభ్యులకు తెలియజేశారు. నూతన కార్యవర్గంలో కార్యదర్శిగా కూచని అరవింద్ ఉపాధ్యక్షుడిగా గుర్రపు హనుమండ్లు ఎన్నుకున్నారు. ఈ కార్యక్రమంలో సన్నపుల మధు కృష్ణ , చౌకి భాస్కర్, గుర్రపు సాయిరాం , బైరోళ్ళ రోహన్ , బాబు , రాజశేఖర్ తదితరులు ఉన్నారు.