ట్రాక్టర్ నడిపి.. మొక్కలు పంపిణీ చేసిన ఎంపీడీఓ

ట్రాక్టర్ నడిపి ఇంటింటికి మొక్కలు పంపిణీ చేసిన జుక్కల్ మండల అభివృద్ధి అధికారి శ్రీనివాస్ ను గ్రామస్తులు అభినందించారు. మండలంలోని పడంపల్లి గ్రామంలో హరిత వనమహోత్సవంలో భాగంగా ఇంటింటికి మొక్కల పంపిణీ చేశారు. ఎంపీడీవో స్పెషల్ ఆఫీసర్ గ్రామంలో ట్రాక్టర్ లో మొక్కలు తీసుకొని స్వయంగా ట్రాక్టర్ నడుపుతూ గ్రామంలో ఇంటింటికి మొక్కలను పంపిణీ చేశారు. పర్యావరణ పరిరక్షణ ప్రతి ఒక్కరి బాధ్యత అని ఆయన గుర్తు చేశారు. మొక్కల సంరక్షణ తమ వ్యక్తిగత బాధ్యతగా తీసుకోవాలని అన్నారు. గ్రామంలో ఇందిరమ్మ పథకంలో మంజూరైన ఇంటి నిర్మాణాలను పరీశీలించారు. నిర్మాణ పనులను వేగవంతం చేయాలని లబ్ధిదారులకు సూచించారు. ఈ కార్యక్రమంలో పంచాయతీ కార్యదర్శి మీరే వార్ గంగాధర్, ఫీల్డ్ అసిస్టెంట్ సూర్యకాంత్ తదితరులు ఉన్నారు.