నిజాంసాగర్ గేట్ల ఎత్తివేత

భారీ వర్షాలతో నిజాంసాగర్, కౌలాస్ నాల ప్రాజెక్టులు జలకళను సంతరించుకున్నాయి. ఎగువ నుంచి భారీగా ఇన్​ఫ్లో వచ్చి చేరుతోంది. నిజాంసాగర్​ ప్రాజెక్టు నిండుకుండలా మారింది. ఎగువ ప్రాంతంలో కురుస్తున్న వర్షాలకు ప్రాజెక్టులోకి 75,000 క్యూసెక్కుల వరద నీరు వచ్చి చేరుతోంది. ప్రాజెక్టు నిండడంతో జుక్కల్ ఎమ్మెల్యే తోట లక్ష్మీ కాంతారావుకు సమాచారం అందించడంతో అర్ధరాత్రి ఆయన ప్రాజెక్టు వద్దకు చేరుకున్నారు. అనంతరం అధికారులతో కలిసి గంగమ్మకు ప్రత్యేక పూజలు చేశారు. ప్రాజెక్టు ఏడు గేట్లు ఎత్తి 58,500 క్యూసెక్కుల వరద నీటిని మంజీర నదిలోకి విడుదల చేశారు. ప్రాజెక్టు పూర్తిస్థాయి నీటిమట్టం 1405.00 అడుగులు (17.802 టీఎంసీలు) ఉండగా, ప్రస్తుతం 1403.25 అడుగులు (15.323 టీఎంసీలు) నీరు నిల్వ ఉందని ఈఈ సొలోమన్ తెలిపారు. ఎగువ నుంచి భారీ ఇన్​ఫ్లో ప్రవహిస్తుండడంతో ఏడు వరదగట్ల ద్వారా 58,500 క్యూసెక్కుల నీటిని మాజీరలోకి విడుదల చేశారు. అర్ధరాత్రి భారీ ఇన్​ఫ్లో రావడంతో సుమారు రెండున్నర గంటల ప్రాంతంలో నీటి విడుదలను ప్రారంభించారు.