మద్నూర్ మండలం చిన్న ఎక్లార గ్రామాన్ని ఎమ్మెల్యే తోట లక్ష్మీ కాంతారావు సందర్శించారు. భారీ వర్షానికి గ్రామంలోకి వరద నీరు చేరడంతో గ్రామస్తులు ఇబ్బందులు పడుతున్నారని సమాచారం తెలుసుకున్న ఎమ్మెల్యే వెంటనే స్పందించారు. గ్రామానికి చేరుకొని ఇబ్బందులను అడిగి తెలుసుకున్నారు. చెక్ డ్యామ్, కెనాల్స్ ను పునర్నిర్మించేందుకు అంచనా వ్యయాన్ని రూపొందించాలని అధికారులకు చెప్పారు. అధికారుల బృందం జరిగిన నష్టాన్ని అంచనా వేసి నివేదిక రూపొందించి ఇవ్వాలని, ముఖ్యమంత్రి దృష్టికి తీసుకెళ్లి నష్ట పరిహారం అందేలా చేస్తానని ఎమ్మెల్యే హామీ ఇచ్చారు. వర్షాలు తగ్గి పరిస్థితి అదుపులోకి వచ్చే వరకు ప్రజలకు ఎలాంటి ఇబ్బందులు లేకుండా తగిన చర్యలు చేపట్టాలని అధికారులను ఆదేశించారు.
Discover more from MANA JUKKAL
Subscribe to get the latest posts sent to your email.