తడిహిప్పర్గకు నిలిచిపోయిన రాకపోకలు

మద్నూర్ మండలం తడి హిప్పర్గ గ్రామానికి రాకపోకలు నిలిచిపోయాయి. భారీగా కురిసిన వర్షానికి లెండి వాగు పొంగిపొర్లడంతో ప్రధాన రహదారిపై వరద నీరు ప్రవహిస్తోంది. దీంతో సోనాల- తడిహిప్పర్గ గ్రామాల మధ్య ప్రధాన రహదారిపై నీళ్లు రావడంతో రాకపోకలు నిలిచిపోయినట్లు గ్రామస్తులు తెలిపారు. సోమవారం మద్నూర్ లో సంతకు వచ్చిన ఆ గ్రామస్తులు సోనాల గ్రామం వద్ద ఉండిపోయారు. సమాచారం తెలుసుకున్న సబ్ కలెక్టర్ కిరణ్మయి, తహశీల్దార్ ముజీబ్, ఎంపీడీవో రాణి ఇతర అధికారులతో కలిసి అక్కడికి వెళ్లారు. స్థానికులతో మాట్లాడాతు.. ఎవరు కూడా నీళ్లలో నుంచి దాటే ప్రయత్నం చేయవద్దని వారికి సూచించారు.