తాత… నీ పనిలో మేము సైతం

తాత వ్యవసాయ పనులు చేస్తున్నారు. తాతకు తోడుగా పనిలో మేము సైతం అంటూ ఆ పిల్లలు ముందుకు రావడం ఎంతో అభినందనీయం. ఈ ఫొటో ను చూస్తేనే అర్థమవుతుంది. మద్నూర్ మండలం పెద్ద తడుగుర్ గ్రామ శివారులో రైతు బాలు తను సాగు చేసిన వ్యవసాయ పంట పొలంలో సైకిల్ యంత్రంతో కలుపుతీస్తున్న సమయంలో తన కొడుకు పిల్లలు ఇద్దరు తాత మేము సైతం పని చేస్తాం అంటూ ముందుకు వచ్చి తాత అడుగులో అడుగు వేస్తూ సైకిల్ యంత్రం పట్టుకొని కలుపుతీస్తున్న దృశ్యం చూపరులను ఎంతో ఆకట్టుకుంటుంది. చిన్నతనంలోనే ఇలా వ్యవసాయ పనులపై  చిన్నారుల ఆసక్తిని అందరూ మెచ్చుకుంటున్నారు. శభాష్ పిల్లలు అంటున్నారు. ఈ వీడియో సోషల్ మీడియాలో వైరల్ అవుతుంది.