వినాయక చవితి శాంతియుతంగా జరుపుకోవాలి

వినాయక చవితి పండగ, నిమజ్జన కార్యక్రమం శాంతియుతంగా జరుపుకోవాలని మద్నూర్ ఎస్.ఐ విజయ్ కొండ అన్నారు. మద్నూర్ రైతు వేదికలో వినాయక చవితి పండగ నిమజ్జన కార్యక్రమంపై మద్నూర్- డోంగ్లి రెండు మండలాల వినాయక మండపాల నిర్వాహకులతో శాంతి కమిటీ సమావేశం ఏర్పాటు చేశారు. నిమజ్జన కార్యక్రమానికి అందరూ సహకరించాలని, వినాయక మండపాల వద్ద ఎలాంటి గొడవలు జరగకుండా చూసుకోవాలన్నారు. మద్యం, పేకాట ఆడితే కఠిన చర్యలు తీసుకుంటామని హెచ్చరించారు. శాంతియుతంగా భక్తి శ్రద్ధలతో పండుగ నిర్వహించుకోవాలని సూచించారు. ఈ కార్యక్రమంలో తాసిల్దార్ ముజీబ్, అగ్నిమాపక శాఖ ఇతర శాఖ అధికారులు పాల్గొన్నారు.