చిన్న ఎక్లార గ్రామాన్ని సందర్శించిన సబ్ కలెక్టర్

మద్నూర్ మండలం చిన్న ఎక్లార గ్రామాన్ని బాన్సువాడ సబ్ కలెక్టర్ కిరణ్మయి సందర్శించారు. గ్రామంలోకి వరద నీరు రావడంతో స్థానికులు ఇబ్బందులు పడుతున్నారని  సమాచారం తెలుసుకున్న సబ్ కలెక్టర్ వెంటనే మండల స్థాయి అధికారులతో కలిసి గ్రామానికి వెళ్లారు. కాలువలో చెత్తతో పాటు ముళ్ళపొదలు అడ్డుగా ఉండడంతో నీటి ప్రభావం ఉధృతికి గ్రామంలోకి నీళ్లు వచ్చాయని అధికారులు వివరించారు. వెంటనే జెసిబి  సహాయంతో మురికి కాలువను శుభ్రం చేసి నీటి ప్రభావం బయటికి వెళ్లేలా అధికారులు చర్యలు తీసుకున్నారు. గ్రామ శివారులో భారీగా పంటలు నీట మునిగాయని రైతులు చెప్పారు.  వరద ఉధృతికి పంటలు భారీగా నీట మునిగాయని ఎమ్మెల్యే తోట లక్ష్మీకాంతారావు ఫోన్ లో కలెక్టర్ దృష్టికి తీసుకువెళ్లారు. నీటి మునిగిన పంటలను పరిశీలించి ప్రభుత్వానికి నివేదిక పంపించాలన్నారు.