నాగల్ గావ్ లో కొనసాగుతున్న రైతు నమోదు ప్రక్రియ

గ్రామాల్లో రైతు నమోదు ప్రక్రియ కొనసాగుతోంది జుక్కల్ మండలం నాగల్ గావ్ గ్రామంలో ఫార్మర్ రిజిస్ట్రేషన్ ప్రక్రియ కొనసాగిస్తున్నట్లు  వ్యవసాయ విస్తరణ అధికారి (ఏఈవో) సతీష్ తెలిపారు. కేంద్ర ప్రభుత్వం ప్రవేశపెట్టిన “అగ్రి స్టాక్ ఫార్మర్ రిజిస్ట్రేషన్”(రైతు నమోదు) లో భాగంగా ప్రతి రైతు తమ పేర్లను నమోదు చేసుకోవాలని ఆయన అన్నారు. రైతు పేరు నమోదు చేసుకోవడానికి ఆధార్ కార్డు, ఆధార్ కార్డు కు లింక్ అయి వున్న మొబైల్ నెంబర్ తప్పనిసరి అని తెలిపారు.(3 సార్లు OTP వస్తుందని) రైతు ఫార్మర్ రిజిస్ట్రేషన్ లో నమోదు చేసుకోగానే 2 రోజుల తర్వాత 11అంకెల సెంట్రల్ ఐడి లేదా ఫార్మర్ ఐడి నెంబర్ రైతు ఆధార్ కు లింక్ వున్న మొబైల్ నెంబర్ కు వస్తుందన్నారు. కేంద్ర ప్రభుత్వం ద్వారా వచ్చే పథకాలు పీఎం కిసాన్ తదుపరి విడత కోసం తప్పనిసరి రైతు వివరాలు నమోదు చేసుకోవాలన్నారు.  పీఎం ఫసల్ భీమ యోజన కోసం, బ్యాంక్ ల నుండి పంట రుణాలు పొందడానికి, భవిష్యత్తులో ధాన్యం కొనుగోలు కేంద్రాలకు కూడా ఈ ఫార్మర్ 11 అంకెల నెంబర్ తప్పనిసరి కానుందని.  రైతులు  అందరు నమోదు చేసుకోవాలని ఆయాన సూచించారు.