బిచ్కుందలో ఒకరి హత్య

అక్రమ సంబంధం ఒకరి హత్యకు దారి తీసిన ఘటన బిచ్కుంద మండల కేంద్రంలో జరిగింది. సీఐ రవికుమార్ తెలిపిన వివరాలు ఇలా ఉన్నాయి. బిచ్కుంద మండల కేంద్రంలోని ఉరడమ్మ గల్లిలో అద్దె ఇంట్లో నివాసం ఉంటున్న ఆడికే రమేష్ ను ఇదే గ్రామానికి చెందిన మరో వ్యక్తి హత్యచేసినట్లు పోలీసులు గుర్తించారు. హత్య చేసిన వ్యక్తి భార్యతో ఆడికే రమేష్ అక్రమ సంబంధం పెట్టుకున్నాడనే అనుమానంతోనే  రమేష్ ఇంటికి వెళ్లి సదరు వ్యక్తి హత్యచేసినట్లు పోలీసులు అనుమానిస్తున్నారు. ఘటన స్థలానికి పోలీసులు చేరుకొని విచారణ చేపట్టారు. పూర్తి వివరాలు త్వరలో వెల్లడిస్తామని సీఐ పేర్కొన్నారు.